U Mishoneri Bakhraw (U Francis Xavier Bakhuid)
U Mishoneri Bakhraw Hadien U Paulus Bakhuid (U Francis Xavier Bakhuid) Sngi Burom – 3 Nohprah Nongda Jong ki Mishoneri Google Image “Kan myntoi aiu ïa u briew lada u ioh ïa ka pyrthei baroh kawei; hynrei u duh ei ïa la ka jingim?” (Mt 16:26) Ïa U Francis Xavier Bakhuid la ithuh kum u mishoneri uba khraw tam jong ka Balang hadien U Paulus Bakhuid. U Francis Xavier Bakhuid u dei u Jesuit uba la wan sha India ban ïalap ïa u Khrist. U dei u nongda jong ki mishoneri baroh. U la long ruh uwei na ki nongseng jong ka Society of Jesus (ki Jesuit). La kha ïa u ha ka 7 tarik u bnai Iaiong 1506 ha Navarre, Spain, ha ka longiing Xavier kaba pawnam bha jong ka Navarre. U la pyndep ï a ka jingleit skul jong u ha ka ri Navarre. Ynda u la dap 19 snem ka 'rta, ha u bnai Nailur1525, u Francis Bakhuid u la leit sha Paris ban pyndep ï a ka jingpule ka University jong ka Paris. Hangta ha Unive...