U Alphonsus Rodriguez Bakhuid

U Alphonsus Rodriguez Bakhuid
Sngi Burom – 31 Risaw

            Ha ka 31 tarik u bnai Risaw (October) ka Balang Katholik bakhuid ka juh rakhe ïa ka sngi burom jong u Alphonsus Rodriguez bakhuid. La kha ïa u ha ka 25 tarik u bnai Naitung (July) 1533 ha Spain. U kpa jong u u long u nongkhaii saiwul. Ha u snem 1556, haba u la don arphewlai snem u la shongkurim ïa ka Maria Suarez bad ki la don lai ngut ki khun. Hynrei ka kurim bad ki khun jong u baroh ki la ïap noh hadien katto katne snem.

Hadien ka jingjia kaba sngewsih ïa ka ïing ka sem jong u, ha u snem 1571, u la leit pynïasnoh ïalade bad ki Jesuit. Ha ka 5 tarik ha u bnai Iaiong (April) 1573 u la shim ïa ki jingkular ba nyngkong. Naduh ba u la dap laiphewphra snem, haba u la ïasnoh bad ka seng Jesuit, u provincial jong u u la pdiang ïa u kum u brodar. U la long u riewkhuid uba sngewrit mynsiem bha bad u la ïakynduh ïa ki ar ngut ki riewkhuid Jesuit ha ka jingim jong u.

Haba u Alphonsus bakhuid u dang samla u Peter Faber bakhuid, u wei u riewkhuid jong ki Jesuit, u la leit jngoh ïa ka ïing ka sem jong u bad u la pynkhreh ïa u Alphonsus bakhuid ban shim ïa ka kommunion ba nyngkong. Nangta u la ïakynduh sa uwei u riewkhuid Jesuit, ka kyrteng jong u ka dei u Peter Claver bakhuid. U Alphonsus Bakhuid u la long u paralok bad u nongpynïaid jong u Peter Claver Bakhuid bad u la pynshlur ïa u ban leit sha Africa kum u mishoneri bad trei hapdeng ki mraw.

U Alphonsus Bakhuid u la trei sawphewsaw snem kum u nongap jingkhang ïa ka kolej jong ki Jesuit. Ka jingsnewrit bad ka jingim kaba suk jong u, kan hikai ïa ngi ban leh rit bad ban aiti ïalade ha ki kam jong ngi. Ngi lah ban ai burom ïa U Blei, ym tang da ki kam kiba heh, hynrei ruh da ki kam kiba barit jong ka jingim jong ngi kiba man ka sngi. 

U la ïap ha ka 31 tarik ha u bnai Risaw (October) 1617, ha Palma Majorca. La pynkyntang ba la kyrkhu ïa u da u Pope Leo XII ha ka snem 1825. La pynlong riewkhuid ïa u da u Pope Leo XIII ryngkat bad u Peter Claver bakhuid, uba la long u paralok jong u. 

St Alphonsus Rodriguez
Feast day – 31st October

On the 31st of October every year, the Catholic Church celebrates the feast of St Alphonsus Rodriguez. He was born on July 25th, 1533, in Spain. His father was a wealthy wool merchant. In 1556, when he was 23 years old, he married Maria Suarez, and they had three children, but after some years, both his wife and children died.

After the tragic death of his family, when he was 38 years old, he joined the Jesuits in the year 1571. He took his first vows on April 5th, 1573. Since he was 40 years old when he joined the Jesuits, his provincial asked him to accept being a brother. He was a humble saint, and he met two more Jesuit saints in his life.

When he was young, St Peter Faber, another Jesuit saint, visited the house of St Alphonsus Rodriguez and prepared him to receive his First Holy Communion. Then he met another Jesuit saint called St Peter Claver. St Alphonsus was a friend and guide to St Peter Claver when he was studying in college. St Alphonsus also encouraged him to go as a missionary to Africa and work among the slaves.

St Alphonsus worked as a doorkeeper of a Jesuit college for 44 years. His humility and simple life teach us to be humble and committed to our work and mission. We can give glory to God not only in big works but also in the small works of everyday life.

He died on October 31st, 1617, in Palma, Majorca. He was beatified in the year 1825 by Pope Leo XII. Then he was canonized on January 15th, 1888, by Pope Leo XIII, together with St Peter Claver, who was a friend of St Alphonsus Rodriguez.